SAMANA MUDRA சமான முத்திரை

சமான முத்திரை

பஞ்சபூதங்களையும் உள்ளடக்கிய ஒரு முத்திரை இந்த சமான முத்திரை.

நம் உடலில் உள்ள வாதம், பித்தம், கபம் எனும் முக்குற்றங்களையும், நீர், நெருப்பு, நிலம், காற்று, ஆகாயம் எனும் பஞ்சபூதங்களையும், பிராணன், அபாநன், வியாநன், உதாநன், சமாநன் எனும் பஞ்ச பிராணன்களையும் நம் உடல்நிலைக்குத் தகுந்தவாறு சமமாக இயக்கி அனைத்து நோய்களையும் விரட்டக்கூடிய மிக அற்புதமான ஒரு முத்திரை தான் இந்த ''சமான முத்திரை''.

பஞ்சபூத சக்திகளைக் குறிக்கும் 5 விரல்களும் இங்கே சேர்கிறது. குவிகிறது. அதநால் நமக்கு சக்தி கிடைக்கிறது.பார்ப்பதற்கு மிக எளிமையான ஒன்றாக கூம்பு போல் காட்சி தருகிறது. நமது உடலில் எங்கே சக்தி தேவைப்படுகிறதோ அங்கே இந்த முத்திரையைக் கொண்டு தொட்டால் அல்லது இந்த முத்திரையால் லேசாக அழுத்தம் கொடுத்தால் குறிப்பிட்ட இடத்தில் உள்ள நோயை நீக்கும். இது அனுபவப் பூர்வமான உண்மை. 

முத்திரைகள் எவ்வாறு வேலை செய்கிறது

நமது உடல் 5 layer களால் ஆனது. அதாவது அன்னமய கோஷம், பிராணமய கோஷம், மனோமய கோஷம், விக்ஞாநமய கோஷம், ஆநந்தமய கோஷம் எனும் 5 விதமான உடலமைப்பு எல்லா மனிதர்களுக்கும் உள்ளது.  இன்று நாம் எடுத்துக் கொள்ளும் எல்லா மருந்து-மாத்திரைகளும், Xray-Scan முதலானவைகளும் Physical Body எனப்படும் அன்னமய கோஷத்தை மட்டுமே பிரதானமாகக் கொண்டவை. ஆனால் நாம் ஆசனங்கள், பிராணாயாமங்கள், முத்திரைகள் எல்லாமே Bliss Body எனப்படும் ஆனந்தமய கோஷத்தை நேரடியாக Activate செய்யும். அதனால் தான் யாராலும் குணப்படுத்த முடியாது எனச் சொல்லப்படும் நோய்கள் கூட யோக-முத்திரைகளால் குணமடையும். நம் கை விரல்கள் பிரபஞ்சத்தில் இருக்கக்கூடிய மின்காந்த சக்தியையும், பிராண சக்தியையும் கிரகிக்கக் கூடியவை. ஒவ்வொரு முத்திரையும் பல நோய்களைக் குணப்படுத்தும் தன்மை கொண்டது. முத்திரைகள் செய்வதால் நம் கை விரல்கள் மூலமாக பிராண சக்தியும், மின்காந்த சக்தியும் அதிகமாக இழுக்கப்பட்டு நம் ஒவ்வொரு நாடிகளிலும் சென்று அங்குள்ள கழிவுகளையும், அடைப்புகளையும் (Blockages -  wastages) நீக்கி ஒவ்வொரு செல் களுக்கும் தேவையான Oxygen - Nutrition ஐக் கொடுக்கிறது. இதனால் ஒவ்வொரு உறுப்பும் நோய் நீங்கி புத்துணர்ச்சி பெறுகிறது. 

எப்படி செய்வது ?

கீழே விரிப்பில் ஏதாவதொரு ஆசனத்தில் அமர்ந்து கொள்ளவும். கீழே உட்கார முடியாதவர்கள் நாற்காலியில் அமர்ந்தும் செய்யலாம். நமது கழுத்து முதுகுத் தண்டு தலை மூன்றும் நேராக இருக்கவேண்டும்.  கைகளில் சின்முத்திரை வைத்துக் கொண்டு கண்களை மூடி மெதுவாகவும் ஆழமாகவும் 3 முறை சுவாசிக்கவும். பிறகு நான்கு விரல்களும் கட்டை விரலின் நுனியுடன் சேர்த்து வைத்து கண்களை மூடிக் கொள்ளவும். இதுவே ''சமான முத்திரை''.

காலவரையறை

காலை மதியம் மாலை என நாள் ஒன்றுக்கு 3 முறை 15 நிமிடங்கள் வீதம் செய்யலாம். (45 Minutes)

நன்மைகள்

• பஞ்சபூத சக்தியைச் சமன்படுத்துகிறது.
• பஞ்ச பிராணன்களின் சஞ்சாரத்தை சமமாக வைக்கிறது.
• வாதம்-பித்தம்-கபம் எனும் த்ரிதோஷங்களைக் கட்டுப்படுத்துகிறது.
• மனதை அமைதிப் படுத்துகிறது.
• சோர்வை நீக்கி புத்துணர்ச்சியைத் தருகிறது.
• வலியுள்ள இடங்களில் வைத்தால் வலியை நீக்கும்.
•  Energy Booster ஐப் போல செயல்படும்.

Heal Your Body - Feel Your Thoghts

சித்தர் நடைப்பயிற்சி எனும் சக்திவாய்ந்த ''8'' நடைப் பயிற்சி.

 

எட்டு நடை எப்படி நடக்க வேண்டும்?

படத்தில் உள்ளது போல எட்டினைத் தரையில் வரைந்து அதன் மீது நடக்கலாம். அகலம் 5 முதல் 6 அடி வரையிலும், நீளம் 10 முதல் 12 வரை இருக்கவேண்டும். மிகவும் அதிகமான நீளத்திலோ, அகலத்திலோ எட்டு போடக்கூடாது. முடியாதவர்கள் இரண்டு பூச்சட்டியை வைத்தும் நடந்து பழகலாம். 

எட்டினை வடக்கிலிருந்து தெற்காக அமைக்கலாம். கட்டாயமில்லை. இடவசதி அவ்வாறு இல்லாவிட்டால் பரவயில்லை. வேறுதிசை பார்த்தபடியும் நடக்கலாம். அதனால் தவறில்லை. நடக்கும்போது உடலை விரைப்பாக வைக்காமல் இலகுவாக வைத்தபடி நடக்கவேண்டும். குடும்பத்துடன் நடக்கும்போது ஒன்றுக்கும் மேற்பட்டவர்கள் சேர்ந்து வரிசையாக நடக்கலாம். நடைப்பயிற்சி முடியும் வரை  மௌனமாகத்தான் இருக்க வேண்டும். பேசிக்கொண்டு நடக்கக்கூடாது. திறந்த வெளிகளில், மேல் மாடிகளில் நடக்கும்போது எங்கேயாவது, எதையாவது வேடிக்கை பார்த்தபடி நடக்கக் கூடாது. உங்கள் கவனம் உங்கள் உடல்நலத்திலும், நடைப்பயிற்சியிலும், உங்கள் சுவாசத்திலும் மட்டுமே இருக்கவேண்டும். 

மந்திரம் ஜபிக்கும் பழக்கமுள்ளவர்கள் மனதுக்குள்ளேயே ஜபித்தபடி எட்டு நடை போடலாம். முத்திரை தெரிந்தவர்கள் ப்ராணமுத்திரை செய்தபடி நடக்கலாம். அந்த்தந்த பலனுக்குண்டான முத்திரையையும் செய்தபடி நடக்கலாம்.  

எட்டு நடை போடுவதால் நம் உடலில் உள்ள முக்கியமான முதல் சக்கரமான ''மூலாதாரச் சக்கரம்'' தூண்டப்படும். மூலாதார முத்திரை எட்டு என்ற எண்ணிக்கையை பிரதிபலிப்பதை நீங்கள் படத்தில் காணலாம். 

முத்திரைகள் செய்யும் போது நாம் எப்படி தலை, கழுத்து, முதுகுத்தண்டு மூன்றையும் நேராக வைத்து செய்வோமோ அப்படியே எட்டு நடை போடும் போதும் இந்த மூன்றையும் நேராக வைத்துக் கொள்ளவேண்டும். 

நடக்கும் இடத்தை தேர்வு செய்வதில் கவனமாக இருக்கவேண்டும். வீட்டின் மேல்மாடியில் நடப்பது போதுமானது. வெளி இடங்களில் நடப்பதனால் மேடு பள்ளங்கள், சறுக்கல் இல்லாத இடமாக தர்வு செய்து நடக்கவேண்டும். அதே போல வண்டிகளின் சத்தங்கள், பலவித கேடு விளைவிக்கும் புகைகள், தொழிற்சாலைகளின் நச்சு வாயுக்கள், தூசு, புழுதிகள் அதிகமாக இல்லாத இடமாக இருக்கவேண்டும். 

காலை 5 முதல் 7:30 மணி வரையிலும், மாலை 5 முதல் 7:30 மணிவரையிலும் நடக்கலாம். தினசரி ஒரு குறிப்பிட்ட நேரத்தில் நடப்பது பலனை அதிகப்படுத்தும். 

கூடுதல் பலன் பெற கீழ்க்கண்டவற்றை பின்பற்றலாம். 

• சிறு சிறு கூழாங்கற்கள் பதித்த 8 நடைபாதையில் நடப்பது.
• தரையில் அக்குப்ரஷர் டைல்ஸ் பதித்து அதில் நடக்கலாம்.
• அக்குப்ரஷர் காலணி அணிந்து நடக்கலாம்.
• காலை, மாலை இருவேளைகளிலும் குறிப்பிட்ட நேரத்தில் நடப்பது.

பாதங்களிலும், உள்ளங்கைகளிலும் உடல் உறுப்புகளின் சுரப்பிகளுக்கான தூண்டும் புள்ளிகள் உள்ளன. அவற்றை முறைப்படி தூண்டுவது உடல் ஆரோக்கியத்தை மேம்படுத்தும். எட்டு நடப்பதால் பல நல்ல பலன்கள் நம்மைத் தேடிவரும். அதே சமயம், அந்த எட்டு நடை நடக்கும் பாதையில் வழவழப்பான சிறு சிறு கூழாங்கற்களை அமைத்து வெறும் கால்களுடன் நடந்தால் அதிக பலன்  கிடைக்கும். 

எட்டு நடைப்பயிற்சியால் குணமாகும் நோய்கள்:-

( முத்திரை சிகிச்சையுடன் இணைந்தது) 

• தேவையற்ற கொழுப்புகள் கரைக்கப்பட்டு மாரடைப்பு உருவாவது தடுக்கப்படுகிறது.
• மூட்டுவலி சீராகும். ( வாதமேரு முத்திரை)
• மூக்கடைப்பு சரியாயாகும். (அக்னிமுத்திரை)
• தலைவலி குணமாகும். (மஹாசீர்ஷ முத்திரை)
• உடற்பருமன் குறையும். ( சூர்ய முத்திரை)
• மார்புச்சளி, ஆஸ்த்மா நீங்கும். ( சுவாசகோச முத்திரை)
• உடற்கழிவுகள் நீங்கும். ( அபான முத்திரை)
• முதுகெலும்பு வலுவடையும். (மேரு முத்திரை)
• உடலுக்கு தேவையான ப்ராணசக்தி கிடைக்கும்.
• கண்பார்வை தெளிவடையும். ( ப்ராண முத்திரை)
• மன இறுக்கம் மறையும். ( சின் முத்திரை)
• இரத்த அழுத்தம் கட்டுக்குள் வரும். ( ரக்தபோத முத்திரை)
• பாதவலி, கால்வலி குறையும்.
• மன ஒருமைப்பாடு கிடைக்கும். (சின்மய முத்திரை)
• சர்க்கரை நோய் குணமாகும். ( வருண & மூத்ராஷய முத்திரை)
• தூக்கமின்மை சரியாகும். (வ்யான முத்திரை)
• வயிறு உப்புசம் நீங்கும். ( சமான முத்திரை & அபான முத்திரை)
• தைராய்டு பிரச்சினை சரியாகும். ( சங்கு முத்திரை & சூர்ய முத்திரை)
• மாதவிடாய் பிரச்சினை தீரும். ( யோனி முத்திரை & ப்ராண முத்திரை)
• முதுகுத் தண்டு ஜவ்வு பிதுங்குதல் சரியாகும்.

HARIPRASAD M.A Dip,Yoga, YT&E

Yoga Therapist for Diabetes, Mudra Therapist

வாழ்க வையகம்,   வாழ்க பாரதம்,    வாழ்க தமிழகம்

பயத்தைப் போக்கி மனோதிடத்தை அளிக்கும் ''நாகமுத்திரை''

செய்முறை:-

விரிப்பில் சுகாஸனம் அல்லது ஸித்தாஸனம் இவற்றில் அமர்ந்து நிதானமாக மூன்று முறை சுவாசம். அதன் பின் வலது கையின் மேல் இடது கையை குறுக்காக வைத்து அக்னி தத்துவத்தை உணர்த்தும் வலது கையின் கட்டை விரலை இடது கையின் நான்கு விரல்களின் கீழ் பகுதியில் வைத்து இடது கை கட்டை விரலை வலது கட்டை விரல் மேல் இலேசாக அழுத்தவும். மார்பு பகுதிக்கு நேராக வைத்து இந்த முத்திரையை செய்யவேண்டும்.

இடது கை ஆட்காட்டி விரலின் அடியில் ஒரு துடிப்பை இபோது நீங்கள் உணரலாம். இதுவே நாகமுத்திரை.

பலன்கள்:-

• கற்பனைத்திறன் வளரும்.
• மனதை எளிதில் கட்டுப்படுத்தலாம்.
• கோபம் குறையும்.
• வெறுப்பு, காமம், பொறாமை போன்ற எதிர்மறை எண்ணங்களை நீக்கும்.
• நேர்மறை எண்ணங்களை வளர்க்கும்.
• பயம் நீங்கும்.
• மனோதிடம் அதிகரிக்கும்.
• மனச்சோர்வு நீங்கும்.
• மனத்தெளிவு பிறக்கும்.
• எதிலும் நாட்டமின்மை பிரச்சினை நீங்கும்.
• கவனம் மேம்படும்.
• அறிவுக் கூர்மை ஏற்படும்.
• கண்களில் ஒருவித பிரகாசம் ஏற்படும்.

இந்த முத்திரையை தொடர்ந்து 48 நாட்கள் செய்து வந்தால் மேலே சொன்ன பலன்கள் கிடைக்கும்.

காலம்:-

தினமும் காலை மற்றும் மாலை 10 முதல் 15 நிமிடங்கள் வரை செய்யலாம்.

கீழே உட்கார முடியாதவர்கள் நாற்காலியில் அமர்ந்தும் செய்யலாம்.

குறிப்பு:-

ஒரு சிலருக்கு பெண்களைப் பார்த்தால் ஒருவித நடுக்கம், பயம், வயிற்றுப்புசம், அல்லது மாலை 6 மணிக்கு மேல் சில மனிதர்களுக்கு காரணமின்றி பயம் வரும். அப்படிப்பட்டவர்கள் இந்த நாகமுத்திரையை நம்பிக்கையுடன் செய்தால் பலன் கண்கூடாக உணரலாம்.

HARIPRASAD M.A

Dip.Yoga, YT&E

Yoga Therapist for Diabetes.

வாழ்க வையகம், வாழ்க பாரதம், வாழ்க தமிழகம்.

நினைத்ததை நிறைவேற்றும் ''குபேர முத்திரை''

 

குபேர முத்திரை

செல்வத்தின் அதிபதியாகக் கருதப்படுபவர் குபேரன். அவரது பெயரால் இந்த முத்திரை அழைக்கப்படுகிறது.

செய்முறை

மோதிரவிரல் சுண்டுவிரல் ஆகிய இரண்டு விரல்களையும் மடக்கி கட்டை விரலின் அடிப்பாகத்தைத் தொடும்படி வைத்துக் கொள்ளவேண்டும். பிறகு கட்டைவிரல், ஆட்காட்டி விரல், நடுவிரல் ஆகியவற்றின் முனைகள் தொட்டுக்கொண்டிருக்கும் படி வைக்கவேண்டும்.

பலன்கள்

நவக்ரஹங்களில் கட்டை விரல் செவ்வாயையும், ஆட்காட்டி விரல் குருவையும், நடுவிரல் சனியையும் குறிக்கின்றன. செவ்வாய் வீரம் மற்றும் தைரியத்தை வழங்குகிறது. குரு செல்வத்தை வழங்குகிறது. சனி தீர்மானிக்கும் ஆற்றலை வழங்குகிறது. ஆக, குபேர முத்திரை நம் வாழ்விற்கான அனைத்தையும் வழங்குகிறது.

நமது விருப்பத்தை உறூதியாக மனதில் நினைத்தபடி குபேர முத்திரை செய்துவந்தால் அது நிச்சயம் நடக்கும். மாணவர்களுக்குத் தேர்வில் வெற்றி, தொழில் செய்பவர்களுக்கு தொழிலில் வெற்றி என்றூ அனைத்துவித வெற்றியைத் தருவது குபேர முத்திரையாகும்.

குபேர முத்திரையிலிருந்து வெளிப்படும்  அதிர்வு அலைகள் வெளியிலிருந்து நமக்குத் தேவையான உதவியைப் பெற்றுத் தரும். மேலும் நமக்குள்ளேயும் வெற்றிக்கான ஆற்றலை உருவாக்கித் தரும்.

நேர்மறைச் சிந்தனையோடும், உறுதியான நம்பிக்கையோடும் இம்முத்திரையைச் செய்தால் நிச்சயம் பலனுண்டு. நமது குறிக்கோளை நிர்ணயித்துக் கொண்டு, நாம் அடைவது போல் காட்சிப் படுத்திக் கொண்டு, குபேர முத்திரையையும் பயிற்சி செய்துவந்தால் நாம் நிச்சயம் அடைவோம்.

இம்முத்திரை தலையின் முன்புறம் தேங்கியுள்ள சளியைக் கரைத்து வெளியேற்றும். 

காலம் 

இம்முத்திரையை எவ்வளவு நேரம் வேண்டுமானாலும் செய்யலாம். எங்கு வேண்டுமானாலும் செய்யலாம். உட்காரும்போது, நடக்கும்போது, நிற்கும்போது, தூங்கும்போது என எப்படி வேண்டுமானாலும் செய்யலாம்.

SSHARMA

வாழ்க வையகம்,   வாழ்க பாரதம்,   வாழ்க தமிழகம்

மலச்சிக்கலைப் போக்கும், மூல நோய் தீர்க்கும் ''அபான முத்திரை''.

 

''அபான முத்திரை''

செய்முறை

நிலத் தத்துவத்தைக் குறிக்கும் மோதிரவிரல் மற்றும் ஆகாயத் தத்துவத்துவத்தைக் குறிக்கும் நடுவிரல் நுனிகளை ஒன்றாகக் கொண்டுவந்து கட்டைவிரலின் நுனியை மென்மையாகத் தொடவும்.மற்ற இரு விரல்களை நேராகவும், தளர்வாகவும் வைக்கவும்.உள்ளங்கையை மேல்நோக்கி வைத்து அமர்ந்த நிலையில் இம்முத்திரையைச் செய்யவும். இது நில, ஆகாய, மற்றும் அக்னித் தத்துவங்களின் இணைப்பாகும்.

சிறப்புகள்

அபான முத்திரையில் நில, ஆகாய, மற்றும் அக்னித் தத்துவங்கள் இணைவதால் வயிற்றின் பாகங்களை நன்றாகச் செயல்பட வைத்து அவற்றின் திறம்பட்ட செயல்பாடுகளை உறுதி செய்கிறது.

ஜீரண மண்டலத்தின் முறையான செயல்பாட்டுக்கு இந்த முத்திரை மிகவும் முக்கியமானது. உடல், நோயின்றி இருக்க கழிவு நீக்க மண்டலம் சரிவரச் செயலாற்ற வேண்டும். அது போல கழிவு நீக்க மண்டலம் சரிவரச் செயலாற்ற, உடல் நோயின்றி இருக்க வேண்டும். அபான முத்திரை உடல் திறம்படச் செயலாற்றவும், தூய்மையாக வைத்துக்கொள்ளவும் உதவுகிறது.

யோகத்தில் உயர்ந்த நிலையை எட்ட, உடல் சிறந்த முறையில் செயலாற்றுவது அதிக முக்கியத்துவம் வாய்ந்ததாகும். ஒரு சாதகர் உடலின் ஒவ்வோர் உறுப்பின் தூய்மைக்கும் முக்கியத்துவம் அளிக்கவேண்டும். யோகாசனத்தில் விந்யாஸங்களைச் செய்த பின்னரும் ஹடயோகத்தின் போதும் அபான முத்திரையைச் செய்வதால் இந்த நிலையை அடையலாம். 

ப்ராண முத்திரையையும், அபான முத்திரையையும், மிகச் சரியான முறையில் செய்வதே ஒரு வகை யோகமாகும். இந்த இரு முத்திரைகளையும் ஒரு சமநிலையோடு செய்து வருவது ஒருவருக்கு ஆன்மீக நிலையில் உயர்ந்த இடத்தை அடைய உதவும். தொடர்ச்சியான பயிற்சியின் மூலம் இச் சமநிலையை அடைய முடியும்.

பலன்கள்

நமது உடலில் ஒவ்வொரு நிமிடமும் சிறுநீர், மலம், வியர்வை, போன்ற எண்ணற்றக் கழிவுகள் உற்பத்தியாகின்றன. அபானமுத்திரை, இக்கழிவுகளை நீக்கி  உடலைத் தூய்மையாக்குகிறது. உடலைத் தூய்மை செய்வதோடல்லாமல் இம்முத்திரை மனதையும் தூய்மையாக்குகிறது. அபான முத்திரையால் மலச்சிக்கல் பிரச்சினை தீரும்.

மலச்சிக்கல் மூல நோய்க்கு வழிவகுத்து இரத்தக் கசிவுக்கும், இறுதியாக அறுவை சிகிச்சை மூலம் அகற்றவேண்டிய பௌத்திரத்துக்கும் காரணமாகும். இந்தப் பிரச்சினை அபான முத்திரையைத் தொடர்ந்து செய்வதால் தீரும். அதிக வியர்வையும், வியர்வை வெளியேறாமல் இருப்பதும் நோயை உருவாக்கும். இது நல்ல அறிகுறி அல்ல. அபானமுத்திரை இக்குறைபாட்டைச் சரிசெய்யும். 

அபானமுத்திரை சிறுநீரகங்களின் செயல்பாட்டில் நேரடி விளைவை ஏற்படுத்தும். சிறுநீரை வெளியேற்ற முடியாத ஒருவர் இந்த முத்திரையைச் செய்தால் எளிதில் சிறுநீர் வெளியேறும். மருத்துவசிகிச்சை மற்றும் ஊசி மருந்துக்கு பின்னரும் கூட சிறுநீரை வெளியேற்ற முடியாதோர் 45 நிமிடம் அபான முத்திரை பயிற்சிக்குப்பின்னர் எளிதில் சிறுநீர் வெளியேற்றிய நிறைய உதாரணங்கள் உள்ளன.

ப்ராஸ்டேட் சுரப்பி தொடர்பான பிரச்சினை அல்லது சிறுநீர் தொடர்பான பிரச்சினை உடைய ஒருவர் அபான முத்திரையால் குணமடைவது மருத்துவ உலகையே ஆச்சரியப்படுத்தி உள்ளது. வயிற்றில் அதிக வாயு உடைய ஒருவர் அபான முத்திரையை 45 நிமிடங்கள் தொடர்ந்து செய்துவந்தால் எளிதாகப் பிரச்சினை தீரும். அபான முத்திரை பற்களின் நலனையும் பராமரிக்கும். பல்வலி குறையும். 

இம்முத்திரை சர்க்கரைநோயைக் கட்டுப்படுத்த உதவும். காலை நேரத்தில்40-45 நிமிடங்கள் அபானமுத்திரையைச் செய்தால் சர்க்கரை அளவு இயல்பு நிலைக்குத் திரும்புவது கண்டறியப்பட்டுள்ளது. அபான முத்திரையுடன் ப்ராண முத்திரையைச் செய்வது பலன்தரக் கூடியது. கர்ப்பிணிகளின் சுகப்பிரசவத்திற்கு இம்முத்திரை உதவுகிறது. 

அபான முத்திரையைத் தொடர்ந்து செய்வதால் வாய், மூக்கு, மற்றும் கண் நோய்கள் குணமாகும். 

வாழ்க வையகம்,   வாழ்க பாரதம்,   வாழ்க தமிழகம்    

தைராய்டு சுரப்பியைத் தூண்டும், உடல் எடை குறையும்.

 

சூர்ய முத்திரை

நிலத் தத்துவத்தைக் குறிக்கும் மோதிர விரலை மடக்கி அதன் நுனியை கட்டைவிரலின் அடிப்பாகத்தில் மெதுவாக வைத்து அக்னித் தத்துவத்தைக் குறிக்கும் கட்டை விரலால் மோதிரவிரலை மென்மையாக அழுத்தவும். மற்ற மூன்று விரல்களையும் நேராக வைத்து உள்ளங்கை மேல் நோக்கி இருக்கும் படி அமர்ந்த நிலையில் இம்முத்திரையைச் செய்யவும். 

சிறப்புகள்

நிலத்தத்துவத்தின் குறியீடான மோதிரவிரல் அக்னித் தத்துவத்தின் குறியீடான கட்டை விரலால் அழுத்தப்படும்போது தசைகளின் ஒழுங்கற்ற வளர்ச்சிக்குக் காரணமான நிலத்தத்துவத்தை சூர்யமுத்திரைக் கட்டுப்படுத்தி அதன் விளைவாக உடலிலுள்ள அதிகப்படியான கொழுப்பைக் கரைக்கிறது. மேலும், கட்டைவிரலின் நுனியும் அழுத்தப்படுவதால் பிட்யூட்டரி, பீனியல் சுரப்பிகளைக் கட்டுப்படுத்தும் நாடிகளும் அவற்றோடு தொடர்புடைய தைராய்டு மற்றும் பாராதைராய்டு சுரப்பிகளும் தூண்டப்படுகின்றன.

பத்மாசனம் அல்லது சுகாசனத்தில் அமர்ந்து உள்ளங்கையை மேல் நோக்கி இருக்குமாறு வைத்து சூர்யமுத்திரையைச் செய்யவும். இந்த முத்திரை தைராய்டு சுரப்பியைத் தூண்டி தேவையற்ற கொழுப்பைக் கரைக்க உதவும். காலை நேர நடைப்பயிற்சி, பிறரிடம் உரையாடுதல், தொலைக்காட்சி பார்த்தல், போன்ற நேரத்தில் சூர்ய முத்திரையைச் செய்யலாம். தினமும் காலை மற்றும் மாலை வேளைகளில் பத்மாசனம், வஜ்ராசனம், சுகாசனம், ஸ்வஸ்திகாசனம், போன்ற ஆசனங்களில் அமர்ந்து 5 முதல் 10 நிமிடங்கள் வரை இந்த முத்திரையைச் செய்தால் உடலிலுள்ள கொழுப்பைக் கரைக்க உதவும்.

பலன்கள்

சூர்யமுத்திரை ஆஸ்த்மா, சுவாசக்கோளாறுகள், சைனஸ், காசம், சளி, மற்றும் நிமோனியா ஆகிய நோய்களைக் குணப்படுத்தும். இம்முத்திரை ஜீரண ஆற்றலை அதிகரித்து நம்மை உற்சாகத்தால் நிறைக்கும்.

எச்சரிக்கை

கட்டை விரலின் அக்னித் தத்துவமும் மோதிரவிரலின் நிலத் தத்துவமும் ஒன்றிணையும்போது உடல் வெப்ப நிலை அதிகரிக்கும். அதனால் உடல் பலம் குன்றியவர்கள் ஓரிரு நிமிடங்கள் செய்துவிட்டு  வெப்ப நிலையில் ஏதேனும் மாற்றம் உள்ளதா என அறிந்த பின், தம்மால் இயலும், அல்லது பயனுள்ளதாக இருக்கிறது என்றால் மட்டுமே இம்முத்திரையைத் தொடரவேண்டும். சூர்யமுத்திரையோடு லிங்கமுத்திரையையும் சேர்த்து செய்தால் அதிகப் பலன்களைப் பெறலாம். இந்த இரு முத்திரைகளும் உடல் வெப்பத்தை அதிகரிப்பதால்  அதிக அளவு திரவ உணவை நாம் உட்கொள்ளவேண்டும். விரும்பிய பலனை அடைந்தவுடன் இந்த முத்திரையை நாம் தற்காலிகமாக நிறுத்திவிட வேண்டும். இந்த முத்திரை மன அழுத்தத்தைக் குறைக்கும். ஜோதிடத்தில் மோதிரவிரலின் அடிப்பகுதி சூரிய சக்தியைக் குறிப்பதால் அதிகப்படியான உடற்கொழுப்பு எரிக்கப்படுகிறது.  

  

வாழ்க வையகம்,   வாழ்க பாரதம்,   வாழ்க தமிழகம்

மூட்டுவலியைக் குறைத்து பக்கவாதத்தைத் தடுக்கும் ''வாயு முத்திரை''

 

செய்முறை

காற்றுத் தத்துவத்தைக் குறிக்கும் ஆட்காட்டி விரலை சுக்ர க்ரந்தி என அழைக்கப்படும் கட்டைவிரலின் அடிப்பாகத்தில் வைத்து, அக்னித் தத்துவத்தைக் குறிக்கும் கட்டை விரலை ஆட்காட்டி விரலின் மீது மென்மையாக வைக்கவும்.மற்ற விரல்களை ஒன்றாக்கி நேராக வைத்து உள்ளங்கையை மேல்நோக்கி வைக்கவும். 

சிறப்புகள்

வாயுவின் ஏற்ற இறக்கங்களால் உடலில் ஏற்படும் பிரச்சினைகளை வாயு முத்திரை தீர்க்கும். ஆட்காட்டி விரலின் நுனியால் சுக்ர க்ரந்தியை மென்மையாக அழுத்தும்போது உடலிலுள்ள வாயுத் தத்துவம் குறைக்கப்படுகிறது. இது வாயுத் தத்துவத்தின் மாறுபாட்டால் ஏற்படும் நோய்களை குணமாக்குகிறது.

தொடர்ச்சியான கொட்டாவி, நமைச்சல், மலப்புழை வழியே காற்று வெளியேறுதல் போன்ற பிரச்சினைகள் இந்த முத்திரையால் குறையும். பக்கவாதத்தை இந்த முத்திரை தடுக்கும்.

காலம்

மேற்சொன்ன பிரச்சினைகள் தீவிரமாக இருந்தால், 45 நிமிடங்கள் வாயு முத்திரையையும், 15 நிமிடங்கள் ப்ராணமுத்திரையையும் செய்யவேண்டும்.  அவ்வாறு செய்யும்போது இந்த பிரச்சினைகளிலிருந்து விடுபடலாம். இந்த முத்திரையின் விளைவை 12 முதல் 24 மணி நேரங்களில் உணரலாம்.

அதிதீவிரச் சூழ்நிலையில் இந்த முத்திரையை 15 முதல் 40 நிமிடங்கள் வரை தொடர்ந்து செய்து வந்தால் நோய்கள் மெதுவாக குணமானாலும் நிரந்தரமாக குணமாகும்.

பலன்கள்

வாயு முத்திரை மன ஒருமைப்பாட்டை அளிக்கும். அதனால் ப்ராணாயாமம் செய்வதற்கு முன்பாக இம்முத்திரையைச் சில நிமிடங்கள் செய்யலாம். இந்த முத்திரையால் ருமாட்டிஸம், ஆர்த்ரைட்டிஸ், விரல் மூட்டுகளில் வலி, வீக்கம், , போன்ற நோய்களைக் குணமாகும். பார்கின்சன் நோய்க்கும், பக்கவாதத்துக்கும் இம்முத்திரை சிறந்த மருந்து. மேலும் இது சியாடிகா, இடுப்பு வலி, கீழ்வாயு நோய் மற்றும் வாயுத் தத்துவத்தின் ஏற்ற இறக்கங்களால் உண்டாகும் பிற நோய்களையும் குணமாக்கும். நோய் தீவிரமாக இருந்தால் முத்திரையை அதிக நேரம் எடுத்து செய்யவும். இந்த முத்திரை முகவாதம் மற்றும் கழுத்து இறுக்கம் ஆகிய நோய்களுக்கும் சிறந்த நிவாரணம் அளிக்கும்.

மணிக்கட்டில் உள்ள வாதநாடி வாயுமுத்திரையால் கட்டுப்படுத்தப்படுகிறது. வாயுக்கோளாறு காரணமாக   கழுத்தில் வலி ஏற்பட்டால் வாயுமுத்திரையைச் சற்று நேரம் செய்து பின், மணிக்கட்டை வலது புறத்தில் இருந்து இடது புறமாக அசைக்கவும். அப்போது கடகடவென சத்தம் வரும். கட்டைவிரலினால் அந்த வாதநாடியை ( நரம்பை) அழுத்தி முன்பு போல மணிக்கட்டை அசைக்கவும். முன்பு கேட்ட ஒலி மீண்டும் கேட்காதவரை இவ்வாறு செய்யவும்.   உடனடியாக கழுத்துவலி நீங்கும்.

இடப்பக்கத்தில் பிடிப்பு ஏற்பட்டால் இடது மணிக்கட்டை கடிகார முள் திசையிலும், அதற்கு எதிரான திசையிலும் சுற்றவும். வலியோ, பிடிப்போ வலதுபுறத்தில் இருந்தால் வலது மணிக்கட்டை மேற்கூறியவாறு சுழற்றவும். வலி கழுத்தைச் சுற்றிலும் இருந்தால் இரண்டு மனிக்கட்டுகளையும் சுழற்றவும்.

வாயு முத்திரை, முழங்கால் வலிக்கு நல்ல நிவாரணம் அளிக்கும். விரைவான சிறந்த நிவாரணத்தைப் பெற வாயுமுத்திரையுடன் ப்ராணமுத்திரையைச் சேர்த்து செய்யவும். ப்ராணமுத்திரை நமது உடலில் ஆற்றல் அளவை அதிகரித்து உடல் ரீதியான சமனின்மையைச் சரி செய்கிறது. வாயுமுத்திரை சனி மேடு மற்றும் ரேகைகளினால் உண்டாகும் தீமைகளைப் போக்கும். 

எச்சரிக்கை

மேற்சொன்ன பிரச்சினைகள் தீரும்வரை மட்டுமே வாயுமுத்திரையைச் செய்யவேண்டும். அதற்குப் பின் கண்டிப்பாகச் செய்யக்கூடாது.

வாழ்க வையகம்,  வாழ்க பாரதம்,  வாழ்க தமிழகம்  

நீரிழிவு நோயைக் கட்டுப்படுத்தி கணையத்தைச் சிறப்பாக இயங்கவைக்கும் ''வருண முத்திரை''

 

வருண முத்திரை

செய்முறை

அக்னித் தத்துவத்தைக் குறிக்கும் கட்டைவிரலின் நுனியை நீர் தத்துவத்தைக் குறிக்கும் சுண்டு விரலால் தொடவும். மற்ற மூன்று விரல்களை ஒன்றாக வைத்து உள்ளங்கை மேல் நோக்கி இருக்குமாறு வைத்து அமர்ந்த நிலையில் இம்முத்திரையைச் செய்யவும்.

சிறப்புகள்

 அறிவியலின் படி நமது உடல் 80 சதவிகிதம் நீராலானது. நீர்ப் பற்றாக்குறையால் ஏற்படும் பிரச்சினைகளையும், எல்லா நோய்களையும், வருணமுத்திரை தீர்க்கும்.

காலம்

தேவையான பொழுது மட்டுமே வருண முத்திரையைச் செய்யவேண்டும். தேவைப்பட்டால் ஒரு நாளைக்கு 20 நிமிடங்கள் இம்முத்திரையைச் செய்யலாம்.

பலன்கள்

இந்த முத்திரையைத் தொடர்ந்து செய்வதனால் வறட்சியைத் தடுத்து உடலுக்கும், சருமத்துக்கும் பளபளப்பைத் தந்து உடலைக் குளிர்விக்கிறது. தோல் சுருக்கம் ஏற்படாமல் பாதுகாக்கும். நீரிழிவு நோயைக் கட்டுப்படுத்தி கணையத்தைச் சிறப்பாக இயங்கவைக்கும்.

நீர்ப் பற்றாக்குறையால் உடலில் ஏற்படும் அனைத்து பிரச்சினைகளையும் இம்முத்திரைத் தீர்க்கும்.

தசைபிடிப்புகளினால் ஏற்படும் வலியையும் இது குறைக்கும். வருண முத்திரை இரத்தத்தைத் தூய்மையாக்கி இரத்த ஓட்டத்தைச் சீரடையச் செய்து தோல் நோய்கள் வராமல் தடுக்கும். கண்களில் ஏற்படும் எரிச்சல் உணர்வைத் தடுக்க இந்த முத்திரை உதவி செய்யும். வறட்டு இருமலுக்கு இது அருமருந்தாகும். தோல் அரிப்பையும் சரி செய்யும்.

இந்த இருவிரல்கலையும் வேறு ஒருவரின் கட்டைவிரலினால் தேய்த்து விடுவது வெயிலினால் ஏற்படும் மயக்கத்தைப் போக்கி அவரை உடனடியாக சுயநினைவுக்குக் கொண்டு வரும். வெயிலில்  நடந்து செல்லும்போது ஏற்படும்   தாகத்தை வருண முத்திரை தடுக்கிறது.

வாழ்க வையகம்,   வாழ்க பாரதம்,   வாழ்க தமிழகம்

பலவீனத்தை பலமாக மாற்றும் ''ப்ருத்வி முத்திரை''

 

ப்ருத்வி முத்திரை

செய்முறை

பூமி தத்துவத்தைக் குறிக்கும் மோதிர விரல் நுனியும், அக்னி தத்துவத்தைக் குறிக்கும் கட்டை விரலின் நுனியும் ஒன்றையொன்று மென்மையாகத் தொடுமாறு செய்யவும். அழுத்தம் கொடுக்க வேண்டாம். மற்ற விரல்களை  நேராக வைத்து உள்ளங்கை மேல் நோக்கி இருக்குமாறு அமர்ந்த நிலையில் செய்யவும். 

சிறப்புகள்

இம்முத்திரை உடலிலுள்ள பூமி தத்துவத்தை சம நிலையில் வைக்கிறது. இது உடலிலுள்ள பல பலவீனமான நரம்புகளை குணப்படுத்துகிறது. அக்னித் தத்துவத்தைக்குறிக்கும் கட்டை விரல் நுனியில் மின்காந்த அலைகள் தொடர்ந்து கடத்தப்பட்டுக் கொண்டே இருக்கும். 

யோகஶாஸ்த்தின் படி நமது புருவ மத்தியில்  ஒரு புள்ளி உள்ளது. அது தான் ''ஆக்ஞா சக்கரம்''. அதனால் நமது நடுவிரலால் ஒருவரது ஆக்ஞா சக்கரத்தின் மேல் குங்குமத்தை வைத்தால் அவர்களது ஆற்றல் ஒளிவிட்டு மின்னி அவர்களுக்கு நன்மை ஏற்படும்.

மனித உடல் எலும்புகள், சதை, தோல், மற்றும் நரம்புகளால் ஆனது. பூமித் தத்துவத்தின் குறியீடுகளாக உள்ள இவைகளைக் கட்டுப்படுத்துவது பூமித் தத்துவத்தைக் குறிக்கும் நடுவிரல் ஆகும். ஒலி, பார்வை, சுவை, முகர்தல், மற்றும் தொடு உணர்ச்சி, ஆகியவற்றைக் கட்டுப்படுத்துவதும் பூமித் தத்துவமே ஆகும்.இம்முத்திரை இவற்றைத் தூண்டி நல்ல முறையில் செயல்பட வைக்கிறது.

காலம்

வசதியான ஏதேனும் ஒரு ஆசனத்தில் அமர்ந்து இந்த முத்திரையைச் செய்யலாம். இதனை எந்த நேரத்திலும் செய்யலாம். இந்த முத்திரையை எங்கும்,  எத்தனை நேரத்துக்கு வேண்டுமானாலும் செய்யலாம். 

பலன்கள்

உடல் பலவீனமானவர்கள் இந்த முத்திரையைச் செய்தால் அவர்களது பலவீனம் பலமாக மாறும். இந்த முத்திரை ஒருவரது உயரத்திற்கும், உடல் பருமனுக்கும் தகுந்தவாறு எடையை அதிகரிக்க உதவும்.

சருமத்தின் பளபளப்பை இது அதிகரிக்கும். இது குறிப்பிடத்தக்க அளவு உடலுக்குச் சக்தியூட்டும். இந்த முத்திரையைத் தொடர்ந்து செய்துவந்தால் ஒருவரை மகிழ்ச்சியாகவும், அமைதியாகவும் வைத்திருக்கும். இந்த முத்திரையைச் செய்பவர் எப்போதும் சுறுசுறூப்பாக இருப்பார்.

உடலில் இரத்த ஓட்டம் இயல்பு நிலைக்கு மாறி ஆரோக்கியம் மேம்படும். இம்முத்திரை சாதகரின் உள்ளத்திலும் மாற்றத்தை ஏற்படுத்தும். இந்த முத்திரையைச் செய்பவர்கள் கீழ்த்தரமான வேலைகளில் ஈடுபடமாட்டார்கள். உண்மையுள்ளராகவும், சேவை மனப்பான்மை உள்ளவராகவும், பரந்த மனம் உடையவராகவும் இருப்பார்.

இந்த ப்ருத்வி முத்திரை நம் அனைவருக்கும் நல்ல துணையாக விளங்கி நமது ஆன்மீக முன்னேற்றத்துக்கு உதவும். இந்த முத்திரையால் உடல் தன்னைத் தானே தூய்மையாக வைத்துக்கொள்வதால் இம்முத்திரைச் செய்பவருக்கு மலச்சிக்கல் ஏற்படாது.  

வாழ்க வையகம்,   வாழ்க பாரதம்,  வாழ்க தமிழகம்

எலும்புகளுக்கு வலு சேர்க்கும் ''ஆகாஷ முத்திரை''

 

ஆகாஷ முத்திரை

செய்முறை

இம்முத்திரை ஆகாஷ தத்துவத்தைக் குறிக்கும் நடுவிரலின் நுனியால் அக்னி தத்துவத்தைக் குறிக்கும் கட்டை விரலின் நுனியை மெதுவாக தொடுவதன் மூலம் செய்யப்படுகிறது. தொடுதல் மிகவும் மென்மையானதாக இருக்க வேண்டும். மற்ற விரல்களை நேராக வைக்கவேண்டும். உள்ளங்கையை மேல் நோக்கியும் நேராகவும் வைத்து இதனைச் செய்யவேண்டும். 

சிறப்புகள்

இந்த முத்திரையைச் செய்வதால் ஆகாஷத் தத்துவம் நமது உடலில் தூண்டப்படும். இது சரியில்லையென்றால் நமது உடல் வலுவிழந்து, எலும்புகள் வடிவமற்றதாகவும், நொறுங்கும் தன்மையுடையதாகவும் மாறும். இந்த முத்திரை நமது எலும்புகளை பலப்படுத்தும். இத்தத்துவம் நமது உடலில் குறைந்து காணப்பட்டால் ஒலி அலைகள் சரியாகப் ப்ரதிபலிக்காது. இதனால் காது கேளாத்தன்மை ஏற்படலாம். இந்தக் குறையை ஆகாஷ முத்திரையால் நாம் சரி செய்யலாம். 

நடுவிரல் நமது இதயத்தோடு தொடர்புடையது. அதனால் இந்த முத்திரையைத் தொடர்ந்து செய்துவந்தால் இதயம் வலுப்பெற்று திறம்பட செயல்படும். இந்த முத்திரை நமது எலும்புகளை வலுப்பெறச் செய்கிறது. இரத்தம் எலும்பு மஜ்ஜைகளிலிருந்து உருவாகிறது என்பதை நாம் அறிவோம். இம்முத்திரை இரத்தம் உருவாக உதவி செய்து நம்மை உடல்நலம் பெறச் செய்கிறது.

காலம் 

இந்த முத்திரையை தேவையான போது மட்டும் தான் செய்யவேண்டும். வேண்டிய பலனைப் பெற சரியான நேரத்தில் முறையாகச் செய்யபடவேண்டும். குறைந்தபட்சம் பதினைந்து நிமிடம் செய்யலாம். இத்துடன் ப்ராணாயாமமும்  செய்துவந்தால் இதயம் வலுப்பெறுவது நிச்சயம்

வாழ்க வையகம்,   வாழ்க பாரதம்,   வாழ்க தமிழகம்

மன அழுத்தம் நீக்கி அமைதியைத் தரும் ''சின் முத்திரை''

 

சின் முத்திரை

செய்முறை

அக்னி தத்துவத்தைக் குறிக்கும் கட்டைவிரலின்   நுனியை காற்றுத் தத்துவத்தைக் குறிக்கும் ஆள்காட்டி விரலின் நுனியால் லேசாகத் தொடவும். கடுமையாக அழுத்தக் கூடாது. மற்ற விரல்களை ஒன்றாகச் சேர்த்து நேராக நீட்டவும். இந்த முத்திரையை உள்ளங்கை மேல் நோக்கி இருக்குமாறு அமர்ந்த நிலையில் செய்யவேண்டும்.

சிறப்புகள்

இது மிகவும் முக்கியமான முத்திரையாகும்.  இது முத்திரையின் அரசன் என்றழைக்கப் படுகிறது. கடவுளே இந்த முத்திரையில் தான் அமர்ந்துள்ளார்.இந்த முத்திரை சாதகரின் உடலையும், மனதையும் ஆற்றலால் நிரப்பும். இந்த முத்திரையை ஒருவர் தான் விரும்பிய ஆசனத்தில் அமர்ந்து எந்த நேரத்திலும் செய்யலாம்.

இந்த முத்திரை மூளைக்கும், எண்ணற்ற நியூரான்களுக்கும் ( நரம்பு செல்கள்) ஆற்றலை அளித்து அவற்றைத் திறம்படச் செயலாற்ற வைக்கிறது. பத்மாசனத்தில் அமர்ந்து இரண்டு கைகளாலும் இந்த முத்திரையைச் செய்தால் ஒருவர் அதிகப் படியான பலனைப் பெறலாம்.

இந்த முத்திரையை நாம் பயணம், வேலை, ஓடுதல், அமர்ந்திருத்தல், படுத்து ஓய்வெடுத்தல் என எல்லாச் செயல்களின் போதும் செய்யலாம். இந்த முத்திரைக்கு கால, இட, சூழல் கட்டுப்பாடுகள் கிடையாது. இந்த முத்திரை ''சின் முத்திரை'' என அழைக்கப்படும்.

இந்த முத்திரையைத் தொடர்ந்து ஒருவர் செய்துவந்தால் கைரேகை ஜோதிடத்தில் கூறப்பட்டுள்ள ஆயுள்ரேகை மீதான தீய விளைவுகளை ஒருவர் விரட்டலாம். இது புதன் ரேகையை வலுப்படுத்தும். உருவாகி இராத வெள்ளிக் கோளுக்கான மையத்தையும் வலுவாக்கும்.

பலன்கள்

இந்த முத்திரை மூளையின் ஆற்றலை வலுவாக்குகிறது. மன இறுக்கத்தைக் குறைக்கிறது. இது மனச் சமனின்மையை நீக்கி அலைபாயும் மனம், மனப்பித்து, பைத்தியம், தலைவலி, கோபம், சோம்பல், முரட்டுத்தன்மை, மன அழுத்தம், அலுப்பு, மனோபயம், சந்தேகம், மற்றும் எதிலும் ஆர்வமின்மை ஆகியவற்றைச் சரி செய்கிறது. இம்முத்திரையால் நம் மனம் அமைதியடைந்து முகம் ப்ரகாசமாகி மனதின் ஆன்மீகப் பற்று அதிகரிக்கிறது. மூளையில் உள்ள நரம்புகள் வலுவடைந்து திறம் பெற்று, சுறுசுறுப்படைகின்றன.

இது மன அழுத்தத்தைக் குறைத்து ஒழுங்கற்ற வேகத்தையும், கோபத்தையும் கட்டுப்படுத்துகிறது. சின் முத்திரை மன ஒருமைப்பாட்டுக்குச் சிறந்த வழியாகும். இந்த முத்திரைச் செய்யும்போது கட்டைவிரல் மற்றும் ஆட்காட்டி விரல் நுனிகளில் துடிப்பை உணரலாம். நாம் அதன் மீது மனதை ஒருமுகப் படுத்தினால் விரல் நுனிகளில் ஒரு துடிப்பைத் துல்லியமாக உணரமுடியும். இதன் மூலம் அதிகபட்ச மன ஒருமைப் பாட்டை அடையமுடியும்.

இது மாணவர்களுக்கு ஒரு வரப்ரசாதம் ஆகும். இது அவர்களின் நினைவாற்றலையும், புத்திசக்தியையும் அதிகரிக்கிறது. சாதாரணமாக நாம் அனைவரும் சில சமயம் குறிப்பிடத்தக்க காரணமின்றி நம் கைகால்களை அசைக்கிறோம். இந்தத் தவறான பழக்கம் மூளையில் அழுத்தத்தை ஏற்படுத்தி பாதிப்பை உண்டாக்குகிறது. இது ஒருமுகத்தன்மையையும், நினைவாற்றலையும் குறைக்கிறது. இத்தகைய தேவையற்ற நடவடிக்கைகளை இந்த முத்திரை கட்டுப்படுத்துகிறது.

மூளை வளர்ச்சி குன்றிய குழந்தைகள் சின் முத்திரையைத் தொடர்ந்து செய்வதன் மூலம் அவர்களது மன ஆற்றல் அதிகரித்தது கண்டுபிடிக்கப்பட்டுள்ளது. அக்னி தத்துவத்தைக்குறிக்கும் கட்டைவிரல் மன ஆற்றலைத் தூண்டும் நரம்புமையமாக விளங்குகிறது. இந்த முத்திரையில் வாயு தத்துவத்தைக் குறிக்கும் ஆட்காட்டி விரல் மூலம் கட்டைவிரலின் நுனி அழுத்தப் படுகிறது. இந்தத் தொடுதல் கட்டை விரலின் நுனியிலுள்ள பிட்யூட்டரி, பீனியல் ஆகிய நாளமில்லாச் சுரப்பி மையங்களைத் தூண்டுகிறது.  அவை, இவ்வாறு வெளிப்பட்ட  அதிர்வுகளின் உதவியால் மூளையிலுள்ள  நரம்புமண்டலங்களைத் தூண்டுகின்றன. பிட்யூட்டாரி சுரப்பியில் ஏற்படும் சிறு மாற்றம் கூட குழந்தைகளை பாதித்து அவர்களை கோபம் கொண்டவர்களாக மாற்றுகிறது. இதனால் அவர்கள் பொய் சொல்லுதல், திருடுதல், மற்றும் சில கெட்ட பழக்கங்களுக்கு ஆளாகின்றனர்.இந்த முத்திரையைத் தொடர்ந்து செய்வதால் அத்தகைய குழந்தைகள் இந்தப் பழக்கத்திலிருந்து சீக்கிரமாக விடுபட்டு இயல்பு நிலைக்குத் திரும்ப முடியும். 

சின் முத்திரையைத் தொடர்ந்து செய்து வருவது நினைவாற்றலையும், சுய கற்றல் திறன்களையும் அதிகரித்து மூளையைத் தூண்டும். இவற்றையெல்லாம் தவிர, இந்த முத்திரை காலப்போக்கில் ஆன்மீக நோக்கத்தைப் பெற உதவி செய்து சாதகர்களைச் சாதனையின் உச்சிக்குக் கொண்டு செல்லும். தொடர்ச்சியாகவும், சிரத்தையுடனும் இந்த முத்திரையைச் செய்துவந்தால் மூன்றாவது கண் எனப்படும் மனக்கண் திறந்து யாரும் கண்டிராத இரு தெய்வீக ஆற்றல் சாதகரைச் சூழ்ந்து அவர் ஆறாம் அறிவை உணர்வார். ஒருவரது மூன்றாவது கண் திறந்து விட்டால், அவர் கடந்த கால, நிகழ்கால, மற்றும் எதிர்கால நிகழ்வுகலைக் காணும் ஆற்றலைப் பெறுவார். அத்தகைய நபர் பிறரது மனதை அறியும் ஆற்றலைப் பெறுவார். 

கடுமையான பிரச்சினைகளாலும் வாழ்வின் அழுத்தத்தினாலும் நமது மனச் சமநிலையை இழந்து உடல் மற்றும் மன நலன் பாதிக்கப்பட்டு, தூக்கமின்மை ஏற்படும். இந்த முத்திரையைத் தொடர்ந்து செய்துவந்தால் இத்தகைய நோய்கள் குணமாகும். மன அழுத்தத்தால் பாதிக்கப்பட்ட நபருக்கு இந்த சின் முத்திரை ஒரு தூக்க மாத்திரையைப் போல் செயல்படுகிறது. இது பரிசோதனைகள் மூலம் நிரூபிக்கப்பட்டுள்ளது. இந்த முத்திரையோடு ''ப்ராமரி ப்ராணாயாமமும்'' மிகவும் உதவிகரமாக இருக்கும். 

ஆண்டுக்கனக்கில் தூக்கமின்மையால் பாதிக்கப்பட்டு, தூக்க மாத்திரைகள் சாப்பிட்டும், இயக்பு நிலைக்குத் திரும்பாதவர்கள் இந்த முத்திரையின் மூலம் நம்ப முடியாத நிவாரணத்தைப் பெற்றுள்ளனர். அவர்கள் நல்ல உறக்கத்தையும், அமைதியையும் அனுபவித்து அதனை மற்றவ்ர்களோடு பகிர்ந்தும் உள்ளனர். சின் முத்திரையின் பலன்களை சீக்கிரமாகப் பெற அத்தோடு சேர்த்து ப்ராண முத்திரையையும் செய்துவந்தால் நிச்சயம் நல்ல பலன் கிடைக்கும்.

வாழ்க வையகம்,  வாழ்க பாரதம்,  வாழ்க தமிழகம்...